മുക്കം ഉപജില്ല കലോത്സവം: മൊബൈൽ ആപ്പ് പുറത്തിറക്കി.

കൊടിയത്തൂർ: മുക്കം ഉപജില്ല സ്കൂൾ കലോത്സവം നാളെ കൊടിയത്തൂർ പിടിഎം ഹയർ സെക്കണ്ടറി സ്കൂളിൽ പുനരാരംഭിക്കും. മേളയുടെ ഫലങ്ങൾ വേഗത്തിലിറിയുന്നതിനായി പ്രോഗ്രാം കമ്മറ്റിയുടെ നേതൃത്വത്തിൽ മൊബൈൽ ആപ്പ് പുറത്തിറക്കി.

മുൻ കരിക്കുലം കമ്മറ്റി അംഗം സി.പി ചെറിയ മുഹമ്മദ് ലോഞ്ചിംഗ് നിർവ്വഹിച്ചു. പ്രോഗ്രാം കൺവീനർ കെ.കെ അബ്ദുൽ ഗഫൂർ അധ്യക്ഷനായി.

പി.ടി.എം സ്കൂൾ പ്രധാനാധ്യാപകൻ ജി സുധീർ, കെ.പി ജാബിർ, നിസാം കാരശ്ശേരി, ടി.പി അബൂബക്കർ, യു നസീബ്, വി.കെ അബ്ദുറഹിമാൻ, നാസർ കാരങ്ങാടൻ, എം ഷമീൽ, കെ ജാസിർ, സി.കെ നവാസ്, കെ ഫഹദ്, പി.ടി സുബൈർ, എൻ.കെ ഷുഹൈർ, പി.ടി നാസർ, കെ.ടി സലീം, സംബന്ധിച്ചു. നാളെ ആരംഭിക്കുന്ന മേള വ്യാഴായ്ച വൈകീട്ടോടെ സമാപിക്കും.