അവാർഡ് ജേതാവിനെ സഹപാഠികൾ ആദരിച്ചു.

മുക്കം: അവാർഡ് ജേതാവായ കൂട്ടുകാരന് സഹപാഠികളുടെ സ്നേഹാദരം. കേരളീയം മാധ്യമ പുരസ്കാരം നേടിയ ബഷീർ കൊടിയത്തൂരിനെയാണ് പി.ടി.എം.എച്ച്.എസ് എസ്.എസ്.എൽ.സി 1989 ബാച്ച് കൂട്ടായ്മയായ 'ഫോസ 89' കൂട്ടുകാർ ആദരിച്ചത്.

മുക്കം മാളിൽ നടന്ന ചടങ്ങിൽ പ്രവാസിയും ഇംഗ്ലീഷ് കവിയുമായ അൻസാർ അരിമ്പ്ര പൊന്നാടയണിയിച്ചു. ഫോസ കൺവീനർ നാസർ കണ്ണാട്ടിൽ അധ്യക്ഷനായി. 

അശ്റഫ് ചെറുവാടി, അബൂബക്കർ വിളക്കോട്ടിൽ, ദിവാകരൻ, അബ്ദുൽ ബാബു, ബീരാൻകുട്ടി സംസാരിച്ചു.

കേരളപ്പിറവിയോടനുബന്ധിച്ച് ഡോ. എ.പി.ജെ അബ്ദുൽകലാം സ്റ്റഡിസെന്റർ ഏർപ്പെടുത്തിയ പത്ര പ്രവർത്തന മികവിനുള്ള കേരളീയം മാധ്യമ പുരസ്കാരമാണ് ബഷീറിന് ലഭിച്ചത്. 

സൗത്ത് കൊടിയത്തൂരിലെ പരേതരായ കണക്കഞ്ചേരി മുഹമ്മദിന്റെയും ആമിനയുടെയും മകനായ ബഷീർ ചന്ദ്രിക കണ്ണൂർ യുനിറ്റിലെ സീനിയർ സബ് എഡിറ്ററാണ്. മാധ്യമ ഗവേഷണത്തിനുള്ള കേരള മീഡിയ അക്കാദമി മാധ്യമ ഫെലോഷിപ്പ് ജേതാവാണ്.