കൊടിയത്തൂർ: സലഫി പ്രൈമറി സ്കൂളിൽ കലാ കൊലുസിന് ഇന്ന് തുടക്കമായി. കുട്ടികളുടെ കലാ സാഹിത്യ കഴിവുകളെ മിഴിവുറ്റതാക്കി മാറ്റാനുള്ള മത്സരങ്ങൾ ആരംഭിച്ചു. സ്കൂൾ ഓഡിറ്റോറിയത്തിൽ വെച്ച് നടക്കുന്ന മത്സങ്ങളുടെ ഉദ്ഘാടന കർമം ബാസിൽ പള്ളിത്തൊടിക (ദുബൈ) നിർവ്വഹിച്ചു.
പഠിതാക്കളുടെ ഇംഗ്ലീഷ് ഭാഷാ നൈപുണി വികസിപ്പിക്കാനുള്ള വായന സാമഗ്രിയായ യങ് വേൾഡ് പാക്ഷികത്തിന്റെ വിതരണോദ്ഘാടനവും ബാസിൽ നിർവ്വഹിച്ചു. ചടങ്ങിൽ പി.സി അബ്ദുറഹിമാൻ മാസ്റ്റർ അധ്യക്ഷത വഹിച്ചു.
കെ.വി അബ്ദുസലാം സ്വാഗതവും ഷീന മാസ് നന്ദിയും പറഞ്ഞു. കലാമേളയ്ക്ക്, ഹഫ്സത്ത്, കവിത, തസ്ലീന, സജ്ന, അനുഷ, നജ്മുന്നിസ എന്നിവർ നേതൃത്വം നൽകി.
