കെ.എം.സി.സി. ഖത്തർ കോഴിക്കോട് ജില്ലാ ഫുട്ബോളിൽ തിരുവമ്പാടി ടീമിന്റെ ജഴ്സി പ്രകാശനം ക്യാപ്റ്റൻ വിഷ്ണുവിന് നൽകി, അമികസ് പോപുലൊ ലീഗൽ ഡയരക്ടർ അഡ്വ.സജിമോൻ കാരക്കുറ്റി നിർവ്വഹിക്കുന്നു.
ദോഹ: കെ.എം.സി.സി ഖത്തർ കോഴിക്കോട് ജില്ലാ കമ്മറ്റി സംഘടിപ്പിക്കുന്ന സെവൻസ് ഫുട്ബോൾ ടൂർണ്ണമെന്റിലെ തിരുവമ്പാടി മണ്ഡലം ടീമിന്റെ ജഴ്സി പ്രകാശനം ചെയ്തു. അമികസ് പോപുലോ ലീഗൽ ഡയരക്ടർ അഡ്വ. സജിമോൻ കാരക്കുറ്റി, ക്യാപ്റ്റൻ വിഷ്ണുവിന് നൽകി പ്രകാശനം നിർവ്വഹിച്ചു.
മണ്ഡലം കെ.എം.സി.സി. പ്രസിഡണ്ട് ഇ.എ. നാസർ ചടങ്ങിൽ അധ്യക്ഷത വഹിച്ചു. സംസ്ഥാന വൈസ് പ്രസിഡണ്ട് ടി.ടി.കെ ബഷീർ, ജില്ലാ സെക്രട്ടരി ഒ.പി സാലിഹ്, മണ്ഡലം ജനറൽ സെക്രട്ടരി ടി.പി അബ്ബാസ്, ജില്ലാ സ്പോർട്സ് വിംഗ് ചെയർമാൻ മുജീബ് കോഴിശ്ശേരി, കൺവീനർമാരായ അനീസ് കലങ്ങോട്ട്, സി.കെ നൗഫൽ, ടൂർണ്ണമെന്റ് കൺവീനർ ഷൗക്കത്ത് എലത്തൂർ, വി ആസിഫ് മുഹമ്മദ്, എ.പി റിയാസ് സംബന്ധിച്ചു. മുൻ വർഷത്തെ ജേതാക്കളായ തിരുവമ്പാടിയും സിറ്റി ടീമും തമ്മിലാണ് ആദ്യ മത്സരം.
