കൂളിമാട് വാർഡിൽ ശുചീകരണ കാമ്പയിൻ തുടങ്ങി.

കൂളിമാട്: വാർഡ് മാലിന്യ മുക്തമാക്കുന്നതിന്റെ ഭാഗമായി ചാത്തമംഗലം ഗ്രാമ പഞ്ചായത്ത് കൂളിമാട് വാർഡിലെ വിവിധ കേന്ദ്രങ്ങളിൽ ജനകീയ ശുചീകരണ യജ്ഞത്തിന് തുടക്കം.

വാർഡ് സാനിറ്റേഷൻ കമ്മിറ്റി, അക്ഷര കൂളിമാട്, ജിംഖാന പി.എച്ച്.ഇ.ഡി, മൈത്രി എരഞ്ഞിപറമ്പ്, മുദ്ര കൂളിമാട്, വിവിധ രാഷ്ട്രീയ സാംസ്ക്കാരിക സംഘടനകൾ, ഓട്ടോ ഡ്രൈവർമാർ, വ്യാപാരികൾ, തൊഴിലുറപ്പു തൊഴിലാളികൾ, അങ്കണവാടി അധ്യാപകർ, ജീവനക്കാർ സംയുക്തമായിട്ടാണ് ശുചീകരണം നടത്തിയത്.

റോഡ് വശങ്ങളിൽ ഇടതൂർന്ന് വളർന്ന കുറ്റിക്കാടുകളും മാലിന്യ നിക്ഷേപങ്ങളും വൃത്തിയാക്കി. വാർഡ് മെംബർ കെ.എ.റഫീഖ് ഉദ്ഘാടനം ചെയ്തു.

ജൂനിയർ പബ്ലിക് ഹെൽത്ത് നഴ്സ് ഒ.എം രജിഷ, ഇ മുജീബ്‌, സി.എ അലി, കെ.സി നജ്മുൽ ഹുദ, ഇ കുഞ്ഞോയി, കെ.കെ ഫൈസൽ, ടി സഫാദ്, വി നിഹാദ്, എം.കെ മജീദ്, കെ മുജീബ്, ഇ മജീദ്, ഇ.പി മുബശിർ, ഇ.പി അദീബ്, ടി മുജീബ്, ഇ.എം ഫരീദ്, എം.വി അമീർ, പി.ടി ആസ്യ, ഇ.എം നസീബ്, വി അൻസിൽ, ടി മിദ്ലാജ് നേതൃത്വം നൽകി.