കൊടിയത്തൂർ ജി.എം.യു.പി സ്കൂൾ സംഘടിപ്പിച്ച ഗാന്ധി വരയുത്സവം പ്രശസ്ത ചിത്രകാരൻ സിഗ്നി ദേവരാജൻ ഉദ്ഘാടനം ചെയ്യുന്നു.
കൊടിയത്തൂർ: ജി.എം.യു.പി സ്കൂൾ പ്രീ പ്രൈമറി വിഭാഗം കുട്ടികൾക്കായി നടത്തിയ ഗാന്ധി വരയുൽസവ് 2023 ശ്രദ്ധേയമായി.
പ്രീ പ്രൈമറി കുട്ടികൾക്കും രക്ഷിതാക്കൾക്കുമായി മാവൂർ ബ്ലോക്ക് റിസോഴ്സ് സെൻ്ററിൻ്റെ നേതൃത്വത്തിലാണ് പരിപാടി സംഘടിപ്പിച്ചത്. പ്രശസ്ത ചിത്രകാരൻ സിഗ്നി ദേവരാജൻ ഗാന്ധിജിയുടെ ചിത്രം വരച്ച് കൊണ്ട് ഉദ്ഘാടനം ചെയ്തു.
എസ്.എം.സി ചെയർമാൻ എ.പി മുജീബ് റഹ്മാൻ അധ്യക്ഷത വഹിച്ചു. ഹെഡ് മാസ്റ്റർ ഇ.കെ അബ്ദുൽ സലാം, പിടിഎ വൈസ് പ്രസിഡൻ്റ് നൗഫൽ പുതുക്കുടി, ക്ലസ്റ്റർ കോ ഓർഡീനേറ്റർ കെ സഫിയ, അധ്യാപകരായ കെ സാറ, എൻ സന്ധ്യ, എം.കെ ഷക്കീല, ഫൈസൽ പാറക്കൽ, എം.പി ജസീദ, ഐ അനിൽ കുമാർ, യു.കെ ജസീല, എം സതീഷ് കുമാർ, വി സജിത്ത് തുടങ്ങിയവർ സംസാരിച്ചു.
