ജെൽവെ മദീന അയൽ പക്കകൂട്ടായ്മ മീലാദ് പ്രോഗ്രാം ശ്രദ്ധേയമായി.

മാവൂർ: മഹല്ലിലെ കെട്ടിൽ പ്രദേശത്ത് അയൽപക്ക ബന്ധം ശക്തിപ്പെടുത്താൻ വർഷംതോറും നടക്കുന്ന മീലാദ് പ്രോഗ്രാം ശ്രദ്ധേയമായി. ശനിയാഴ്ച വൈകുന്നേരം കുട്ടികളുടെ കലാപരിപാടികൾ നടന്നു. മഗ്രിബിന് ശേഷം നടന്ന ചടങ്ങ് മഹല്ല് ഖത്തീബ് ഷെഫീഖ് ഹുദവി ഉദ്ഘാടനം ചെയ്തു. ശരീഫ് ഹുസൈൻ ഹുദവി മുഖ്യ പ്രഭാഷണം നടത്തി.

കടോടി മുഹമ്മദ് കുട്ടി ഹാജി, കെട്ടിൽ മുഹമ്മദ് ഹാജി, മൂസക്കുട്ടി പെരുവയൽ, കെട്ടിൽ ഹുസൈൻ എന്നിവർ സംസാരിച്ചു. കുരുന്ന് മക്കളുടെ ദഫ് പ്രദർശനം പ്രോഗ്രാമിന് കൂടുതൽ ശോഭയേകി. മൗലിദ് പാരായണ മജ്ലിസോട് കൂടെ പരിപാടി സമാപിച്ചു.