റിലീസിനായി കേരളത്തിൽ വലിയ ആഘോഷങ്ങളാണ് മോഹൻലാൽ ഫാൻസും തിയേറ്റർ ഉടമകളും ആസൂത്രണം ചെയ്തിരിക്കുന്നത്. ബുധനാഴ്ച രാത്രി 12 മണിക്ക് മിക്കതിയേറ്ററുകളിലും പ്രദർശനം തുടങ്ങും. ചിലയിടങ്ങളിൽ രാവിലെ ഏഴുമണിക്കാണ് ആദ്യപ്രദർശനം. കോവിഡ് മഹാമാരിക്കുശേഷം തിരിച്ചുവരുന്ന തിയേറ്റർ മേഖലയുടെ നിലനിൽപ്പ് തീരുമാനിക്കുന്ന പ്രധാനഘടകമായാണ് തിയേറ്റർ ഉടമകളുടെ സംഘടനായ ‘ഫിയോക്’ ഈ സിനിമയെ കാണുന്നത്.
കാത്തിരുന്ന നിമിഷം
മരക്കാർ എന്ന സിനിമ തിയേറ്ററിൽ തന്നെ റിലീസ് ചെയ്യണമെന്ന ആഗ്രഹത്തിലാണ് ഇതുവരെ കാത്തിരുന്നത്. സാമ്പത്തികകാര്യങ്ങൾ മാത്രമാണ് നോക്കിയിരുന്നതെങ്കിൽ എന്നേ ഇത്‌ ഒ.ടി.ടി.ക്കു നൽകാമായിരുന്നു. സിനിമാമേഖലയിലെ എല്ലാവർക്കും വേണ്ടിയാണ് മരക്കാർ തിയേറ്ററുകളിൽതന്നെയെത്തുന്നത്.
ആന്റണി പെരുമ്പാവൂർ, നിർമാതാവ്
Tags:
KERALA
