കൊടിയത്തൂർ : കേന്ദ്ര തൊഴിൽ മന്ത്രാലയം നടപ്പിലാക്കുന്ന അസംഘടിതമേഖലയിൽ ജോലി ചെയ്യുന്ന തൊഴിലാളികളുടെ ദേശീയ ഡാറ്റബേസ് തയ്യാറാക്കുന്നതിൻ്റെയും ഏകീകൃത തിരിച്ചറിയൽ കാർഡ് നൽകുന്നതിൻ്റെയും ഭാഗമായുള്ള ഇ- ശ്രം പോർട്ടലിൽ രജിസ്ട്രേഷൻ നടത്തുന്നതിന് വേണ്ടി കൊടിയത്തൂർ ഗ്രാമ പഞ്ചായത്ത് പതിനാറാം വാർഡിൽ വാർഡ്തല ഇ-ശ്രം ക്യാമ്പ് സംഘടിപ്പിച്ചു.
വാർഡ് മെമ്പർ ഫസൽ കൊടിയത്തൂർ ക്യാമ്പ് ഉദ്ഘാടനം ചെയ്തു. ക്യാമ്പിന് പി.പി ഉണ്ണിക്കമ്മു, അഹമ്മദ്ക്കുട്ടി കെ, ആലിക്കുട്ടി ഇ, പി.പി അബ്ദുനാസർ, അബ്ദു പി.പി, റഷീദ് ചേപ്പാലി, ഗഫൂർ, ശബീർ പി.വി എന്നിവർ നേതൃത്വം നൽകി.
