ബംഗളുരുവിലെത്തിയ ദക്ഷിണാഫ്രിക്കന്‍ പൗരന്‍മാര്‍ക്ക് ഒമിക്രോൺ അല്ല
ബെംഗളൂരു വിമാനത്താവളത്തിലെത്തിയ ദക്ഷിണാഫ്രിക്കന്‍ പൗരന്‍മാര്‍ക്ക് കൊവിഡ് സ്ഥിരീകരിച്ചെങ്കിലും ഒമിക്രോൺ വകഭേദമല്ലെന്ന് കണ്ടെത്തി. ഡെല്‍റ്റ വകഭേദമാണ് ഇരുവരിലും കണ്ടെത്തിയത്. രോഗം സ്ഥിരീകരിച്ച ഇരുവരെയും ക്വാറന്റീനില്‍ പ്രവേശിപ്പിച്ചു. നവംബര്‍ ഒന്നു മുതല്‍ 26 വരെ ദക്ഷിണാഫ്രിക്കയില്‍ നിന്ന് 94 പേരാണ് ബെംഗളൂരുവിലെത്തിയത്. ഇതില്‍ രണ്ടു പേര്‍ക്ക് മാത്രമാണ് കൊവിഡ് സ്ഥിരീകരിച്ചത്.
